Felli- og flekaveggir frá Dorma Hüppe eru framleiddir í Þýskalandi af dormakaba Group og eru þekktir fyrir framúrskarandi gæði, endingargóð kerfi og nútímalega hönnun. Lausnirnar eru notaðar víða um heim í skrifstofubyggingum, hótelum, ráðstefnumiðstöðvum og skólum þar sem þörf er á sveigjanlegri rýmisskiptingu.
Felli- og flekaveggir frá Dorma Hüppe gera kleift að breyta stórum rýmum í minni einingar á einfaldan og skilvirkan hátt. Kerfin eru hönnuð með áherslu á hljóðeinangrun, stöðugleika og auðvelda notkun, sem gerir þau hentug fyrir bæði opinber rými og atvinnuhúsnæði.
Hljóðeinangrun flekaveggja frá Dorma Hüppe getur náð allt að Rw 59 dB eftir útfærslu og uppbyggingu veggkerfis.
Sjá heimasíðu Dorme hueppe: www.dorma-hueppe.com
Felli- og flekaveggir frá Idex eru framleiddir af sænska fyrirtækinu Winab og hafa verið á íslenskum markaði í yfir 20 ár.
Felli- og flekaveggir eru færanlegar veggeiningar til skiptingar á stóru eða smáu rými, aðallega ætlað fyrir skóla, hótel, ráðstefnu- eða fundarsali.
Hljóðeinangrun felliveggja frá Rw 41 – 49 dB og flekaveggja Rw 40 – 53 dB.
Flekaveggir eru frekar ætlaðir til skiptinga á stóru rými þar sem hver fleki er sjálfstæður og hengdur á sleða í öflugri braut. Hægt er að flytja einingarnar úr einum stað í annan og raða saman á mismunandi vegu svo sem til geymslu þegar opna þarf á milli rýma.
Felliveggir eru frekar ætlaðir til skiptinga á minna rými þar sem einingarnar í veggnum eru hengdar saman á lömum. Allar einingarnar eru þannig samhangandi og keyra eftir braut í lofti og/eða gólfi. Við opnun raðast einingarnar til hliðar eins og harmonika.
Sjá heimasíðu Winab: www.winab.se
